Bilang batang
mag-aaral ay may pananagutan tayo sa ating sarili, sa ating mga magulang, sa ating kapwa lalo na sa ating inang bayan. Pananagutan na makapagtapos tayo sa ating pag-aaral
para sa ating sarili nang sa gayon ay matupad natin ang ating mga pangarap at gumanda ang ating buhay. Para makamit natin
ang tagumpay ay kailangan nating magsumikap, magtiyaga at mag-aral na mabuti.
Ito lang ang maibibigay sa atin ng ating mga magulang na magiging kaakibat
natin para makamit natin ang ating
mga pangarap. Kung sakaling sila ay
bawiin na ng Maykapal ay alam nating sila ay panatag, dahil alam nila na
naihanda na nila tayo sa pagharap sa mga hamon ng buhay.
Ano ang pagkakaiba ng mga kabataan sa
larawan?
Maaari tayong
maging mapalad sa ating buhay kung ating
nanaisin, patuloy lamang tayong tumahak sa tamang landasin. Iwasan ang bisyo,
lakwatsa at paggawa ng mga bagay na hindi tama, lalo na tayong mga bata. Ituon natin ang ating kaisipan sa magandang bagay.
Halimbawa ay sumali tayo sa programa ng pamahalaan para sa kabataan na naghihikayat
para tayo mapabuti. Tulad
nga ng sabi sa atin ng ating pambansang bayani na si Dr. Jose Rizal ay tayo daw
mga kabataan ang pag-asa ng ating bayan. Ngunit sa tingin ko ay hindi na yata
kaya ng ating ilan kabataan ang sinabi ng ating bayani, dahil ilan sa ating
kabataan sa ngayon ay hindi na nag-aaral at nalululong pa sa mga masasamang bisyo,
at mga gawaing hindi tama.
Ang masakit na parte ng pagiging OFW
ay ang” Paghihiwalay”
Ilan sa
ating magulang ay hirap ng makapagpatapos ng anak sa pag-aaral, sa kadahilanang
hindi na halos matugunan ng ilan magulang ang mga pangangailangan dahil na din sa
kawalan ng sapat na pera at ikabubuhay. Nariyan pa at nadagdagan ng 2 taon ang
pag-aaral sa sekondarya, ay hindi na
malaman ng ating magulang kung papano pa nila igagapang ang pag-aaral ng
kanilang mga anak. Kaya ang ilang kasapi
ng pamilya ay nagsasakripisyo at ninanais na mangibang bansa at mawalay sa
pamilya para lang kumita ng mas malaking
pera. Para matugunan lang nila ang pang araw-araw na pangangailangan ng kanilang mga mahal sa buhay.
BUWIS BUHAY: Mga batang umaakyat sa bundok at tumatawid sa ilog para lang
makapasok sa paaralan.
“Kaya mo rin bang umakyat ng bundok para lang
sa iyong pag-aaral, tulad nila?
Kaya tayong mga
kabataan, Huwag nating sayangin ang pagkakataon na makapag-aral, sikapin nating
mapaunlad at makapagtapos ng pag-aaral dahil ito lamang ang makapagbibigay sa
atin ng kaginhawahan sa ating buhay. Maswerte na ang ilan kabataan na patuloy
pa din nakakapag-aral dahil may pag-asa silang matupad ang kani-kanilang mga
pangarap sa pagdating ng panahon. At isa na ako sa ilang masuswerteng mga
kabataan na patuloy na nag-aaral para matupad ang minimithing pangarap.
Maswerte ako at mayroon akong mga magulang na patuloy na gumagabay at nagsasakripisyo araw-araw. Sa
aking lolo’t lola na patuloy na sumusuporta sa aking pag-aaral. Kaya bilang
ganti ay nagsisikap ako at nagdarasal na sa awa ng Diyos ay pipilitin kong
makatapos sa aking pag-aaral. At aking itong iaalay sa mga taong laging
naririyan para sa aking ikatatagumpay.
“Ang pinapangarap nating tagumpay”
